இறுதி வாக்காளர் பட்டியல் தயார் செய்ய உத்தரவு

கோவை மாவட்ட கலெக்டர் அலுவலகத்தில் வாக்காளர் பட்டியல் சுருக்கத் திருத்த பணிகள் தொடர்பான ஆய்வு கூட்டம் இன்று நடந்தது. இதில் தேர்தல் பார்வையாளர் குல்தீப் நாராயண் கலந்து கொண்டு கோவை மாவட்டத்தில் வாக்காளர் பட்டியல் தயாரிப்பு பணிகள் தொடர்பான விபரங்களை கேட்டார்.

முகவரி மாறியவர்கள் நீக்கப்பட்டவர்கள் தொடர்பான புகார்கள் மீது என்ன நடவடிக்கை எடுக்கப்பட்டது என விசாரித்தார். வாக்காளர் பட்டியலில் உள்ள பிழைகளை சரி செய்து விரைவில் இறுதி வாக்காளர் பட்டியல் வெளியிடும் வகையில் பணிகளை மேற்கொள்ள உத்தரவிட்டார். இதில் கோவை கலெக்டர் பவன் குமார் உட்பட பலர் கலந்து கொண்டனர்.