எப்படி ஆக்சிடென்ட் நடக்குது… போலீசுக்கு கிளாசு

கோவை மாவட்ட கலெக்டர் அலுவலகத்தில் தனியார் நிறுவனம் சார்பில் மாவட்ட அளவில் நடக்கும் விபத்துக்கள் தொடர்பான போட்டோ வீடியோ ஆதாரங்களுடன் பயிற்சி வகுப்பு இன்று நடந்தது. இதில் மனிதர்கள் ரோட்டை கடக்கும்போது செய்யும் தவறுகள் அதனால் ஏற்படும் விபத்துக்கள் . வாகனங்கள் போக்குவரத்து விதியை மீறி செயல்படுவதால் ஏற்படும் விபத்துக்கள் தொடர்பான காட்சி பதிவுகள் காண்பிக்கப்பட்டது.

பல்வேறு பகுதியிலிருந்து பெறப்பட்ட கண்காணிப்பு கேமரா காட்சி பதிவுகளை பார்த்த போலீசார் எப்படி எல்லாம் வாகனத்தை ஓட்டுறாங்க எப்படி எல்லாம் ஆக்சிடன்ட் செய்றாங்க என வியந்தனர். விபத்தை தவிர்க்க போலீசார் அடுத்து என்ன செய்ய வேண்டும் என திட்டமிட இந்த பயிற்சி வகுப்பு உதவியாக இருக்கும் என நிகழ்ச்சி நடத்தியவர்கள் தெரிவித்தனர்.