கோவை போலீசில் 1400 புதிய கேமரா..!

கோவை மாநகர போலீசில் 20 போலீஸ் ஸ்டேஷன்கள் செயல்படுகிறது. இது தவிர சிறப்பு யூனிட்டுகளும் உள்ளது. மாநகர் பகுதியில் பல்லாயிரம் கேமராக்களை போலீசார் ஒருங்கிணைந்த கட்டுப்பாட்டு அறையில் இருந்து கண்காணித்து வருகின்றனர். கோவை அரசு மருத்துவமனை , கலெக்டர் அலுவலகம், ரயில் நிலையம் காந்திபுரம் , உக்கடம் , சிங்காநல்லூர் மேட்டுப்பாளையம் ரோடு, சத்தி ரோடு பஸ் ஸ்டாண்ட் மற்றும் மார்க்கெட், முக்கிய இடங்களை போலீசார் கண்காணிப்பு கேமரா அமைத்து பார்த்து வருகிறார்கள்

இந்த நிலையில் மாநகரப் போலீசில் 1400 புதிய கேமராக்கள் 16.05 கோடி ரூபாய் செலவில் அமைக்க டெண்டர் விடப்பட்டிருக்கிறது. நவீன வசதிகள் மற்றும் வாகனங்களின் பதிவு எண் கண்டறியும் வகையில் இந்த கேமராக்கள் அமைக்கப்படும். 180 நாட்களில் கேமரா அமைத்து பராமரித்து பயன்பாட்டுக்கு கொண்டு வர டெண்டர் விதிமுறையில் தெரிவிக்கப்பட்டு இருக்கிறது.