கோவை நகரில் அரசியல் போஸ்டர்கள் கிழிப்பு

கோவை மாவட்டத்தில் தேர்தல் நடத்தை விதிகள் இன்று மாலை முதல் செயல்பாட்டுக்கு வந்தது இதைத்தொடர்ந்து நகரின் பல்வேறு பகுதிகளில் ஒட்டி வைக்கப்பட்டிருந்த அரசியல் தொடர்பான போஸ்டர்கள் அறிவிப்புகள் பேனர்கள் அகற்றப்பட்டது. குறிப்பாக நகரின் பல்வேறு இடங்களில் ஒட்டி வைக்கப்பட்டிருந்த திமுக அதிமுக பாரதிய ஜனதா காங்கிரஸ் மற்றும் பல்வேறு கட்சிகளின் போஸ்டர்கள் மாநகராட்சி அலுவலர்கள் மூலமாக கிழித்து அகற்றப்பட்டது.

பிளக்ஸ் பேனர்களும் கழற்றி அகற்றப்பட்டது. தடையை மீறி யாரும் எந்த இடத்திலும் பேனர் போஸ்டர் வைக்க கூடாது என எச்சரிக்கப்பட்டுள்ளது. மேலும் அரசு அலுவலகங்கள் மற்றும் பல்வேறு இடங்களில் அரசின் சாதனை விளக்க போஸ்டர்கள் மற்றும் அறிவிப்புகள் அகற்றி எடுக்கப்பட்டது.